کسانوں کی حمایت میں نکلےچندرشیکھرآزاد کو پولیس نے روکا

آزاد سماج پارٹی کے صدر چندرشیکھرآزاد نے اترپردیش حکومت پر کسانوں کے معاوضے کے سلسلے میں بدعنوانی کا الزام عائد کیا ہے۔

وہ قومی شاہراہ نمبر 58 سے ہوتے ہوئے مراد نگر کے راستے کسانوں کے پاس جارہے تھے، لیکن مُراد نگر پولیس نے انہیں گنگ کینال کے قریب روک دیا۔

اس دوران مُراد نگر پولیس بڑی تعداد میں وہاں موجود تھی۔

مُراد نگر علاقے کے افسر دھرمیندر چوہان چندرشیکھر آزاد راون کو اپنے ساتھ لے گئے۔

اِس دوران چندرشیکھرآزاد نے ای ٹی وی بھارت کو بتایا کہ پولیس اُنہیں کسانوں کی حمایت کرنے سے روک رہی ہے اور ریاستی حکومت اپنی من مانی کر رہی ہے۔

تاہم جب یہ سوال کیا گیا کہ پولیس انہیں کہاں لے جارہی ہے تو اس پر انہوں نے بتایا کہ انہیں ابھی تک کوئی اطلاع نہیں دی گئی ہے کہ پولیس انہیں کہاں لے جارہی ہے۔