مراد آباد: اسکول کی فیس معاف کیے جانے کے لیے احتجاج

اتر پردیش کے مراد آباد میں شیو سینا کے کارکنان نے اسکول فیس کے خلاف احتجاج کرتے ہوئے کہا کہ کورونا میں سب کچھ بند رہا ہے اور اسکولس من مانے طریقے سے فیس کی وصولی کررہے ہیں، جسے روکا جائے۔ موقع پر ڈی ایم کو میمورنڈم بھی سونپا گیا۔

اترپردیش کے مراد آباد ڈی ایم دفتر کے باہر شیو سینا کے عہدیداران اور ممبران نے احتجاج کر ڈی ایم کو ایک میمورنڈم دے کر مانگ کی ہے ۔ جس میں کہا گیا ہے کہ لگاتار کئی ماہ سے لاک ڈاؤن رہا اور بازار بند رہے، لوگوں کے کاروبار نہیں چلے ہیں جس کی وجہ سے روپیے کی آمدنی نہیں ہو سکی ہے۔ لہٰذا سبھی اسکولوں کی مارچ مہینے سے لے کر جون مہینے تک فیس معاف کی جائے۔

شیو سینا کے ضلع صدر ڈاکٹر رامیشور نے مرادآباد ڈی ایم سے مانگ کرتے ہوئے کہا کہ لاک ڈاؤن میں بھی اسکول والے من مانی کررہے ہیں۔ کئی ماہ کی فیس مانگی جارہی ہے جب کہ پڑھائی کچھ نہیں ہوئی ہے۔ ڈی ایم کو چاہیے کہ وہ اس معاملے کو سنجیدگی سے لے کر ایسے اسکولوں کے خلاف کارروائی کرے۔

فیس معافی کے لئے احتجاج