مرادآباد: مدثر حسین سماج وادی پارٹی کے ضلع جنرل سکریٹری مقرر

اتر پردیش کے شہر مراد آباد میں سماجوادی پارٹی نے مدثر حسین کو ضلع جنرل سکریٹری بنایا گیا ہے۔

جیسے جیسے اتر پردیش اسمبلی انتخابات قریب آرہے ہیں تمام سیاسی پارٹیاں اپنے خیمے سے لوگوں کو جوڑنے کے لیے پوری محنت کر رہی ہیں۔ اسی کے ساتھ پارٹیاں بدلنے کا عمل بھی عروج پر ہے۔

ریاست اتر پردیش کے مرادآباد میں سماج وادی پارٹی نے مدثر حسین کو ضلع جنرل سکریٹری کی ذمہ داری دی۔ پارٹی کارکنان اور عہدے داروں نے مدثر حسین کی گل پوشی کر کے استقبال کیا۔

مدثر حسین نے میڈیا سے بات چیت کرتے ہوئے کہا کہ 'اسمبلی انتخابات میں پارٹی کی جیت میں نوجوانوں کا اہم کردار ہوگا۔ ہم عوام کے درمیان جائیں گے اور سماج وادی پارٹی کی حکومت میں عوام کے لیے چلائے جانے والے منصوبوں سے انہیں آگاہ کریں گے۔