مرادآباد: 'تانڈو' کے خلاف مختلف تنظیموں کا احتجاج

مرادآباد میں کرنی سینا سمیت دیگر تنظیموں نے ویب سیریز تانڈو پر سماج میں نفرت پھیلانے کا الزام عائد کرتے ہوئے ضلع کلکٹریٹ پراحتجاج کیا۔

اتر پردیش کے ضلع مرادآباد میں آج ہندو تنظیموں کی جانب سے ویب سیریز تانڈو کے خلاف ضلع کلکٹریٹ کے سامنے احتجاج کیا گیا۔

مظاہرین کا کہنا تھا کہ اس ویب سیریز کے ذریعے سماج میں نفرت اور مذہبی جذبات کو بھڑکانے کی کوشش کی گئی ہے۔ اس لئے حکومت سے مطالبہ ہے کہ تانڈو ویب سیریز پر روک لگائی جائے۔

واضح رہے کہ گزشتہ دنوں ویب سیریز تانڈو کی مخالفت سوشل میڈیا پر شروع ہوئی تھی جو اب سڑک سے ہوتے ہوئے سیاست تک پہنچ گئی ہے۔ ملک بھر میں احتجاج کے بعد وزارت اطلاعات و نشریات نے ویب سیریز سے متعلق امیزون سے صفائی مانگی ہے۔