مرادآباد: بھارتی یونین کسان کا پل بنانے کا مطالبہ

ریاست اتر پردیش کے ضلع مراد آباد کے جیتیا فیروز پور کے عوام اور بھارتی کسان یونین نے ضلعی انتظامیہ سے رام گنگا ندی پر پل تعمیر کرنے کا مطالبہ کیا۔

مرادآباد کے تھانہ کندرکی علاقے کے گاؤں جیتیا فیروز پور کے لوگ اور بھارتی کسان یونین کے لوگ آج مرادآباد کے ڈی ایم سے ملاقات کی اور جیتیا فیروز پور گاؤں سے نکل رہی رام گنگا ندی پر پل بنائے جانے کا مطالبہ کیا۔

بھارتی کسان یونین کے صدر دویندر چودھری نے بتایا کہ جیتیا فیروز پور کے لوگ ایک طویل وقت سے گنگا ندی پر پل بنانے کی مانگ کر رہے ہیں ندی پر پل نہ بنائے جانے کی وجہ سے مقامی لوگوں کو کافی پریشانی کا سامنا کرنا پڑتا ہے۔یہاں کی عوام ندی کو پار کر نے کے لئے ٹرک کے ٹائر ٹیوب کا سہارا لیتی ہیں۔

انہوں نے مزید کہا کہ گاؤں کی عوام 25 برس سے پل بنانے کا مطالبہ کر رہی ہے اور اس کے لیے انہیں جدوجہد کرنا پڑ رہا ہے۔ندی میں گندے پانی کا بھی رساؤ ہوتا ہے اور گاؤں کے بچے اور خواتین ندی پار کرنے کے لیے ٹائر ٹیوب کا استعمال کرتی ہے، جس سے انہیں بیماری کا خطرہ لاحق ہے۔اس لیے جب تک پل کے تعمیراتی کام کو شروع نہیں کیا جاتا تب تک ہم احتجاج کرتے رہیں گے۔