منور رانا کی طبیعت ناساز، موت کی خبر محض افواہ

اردو کے معروف شاعر منور رانا کو علالت کے سبب دارالحکومت لکھنؤ کے پی جی آئی میں داخل کرادیا گیا ہے۔

بھارتی ریاست اترپردیش کے معروف شہر رائے بریلی میں پیدا ہونے والے اردو دنیا کے مشہور شاعر منور رانا شدید علیل ہیں۔ انہیں سانس لینے میں پریشانی ہورہی ہے۔

آج منور رانا کی حالت مزید ناساز ہوگئی جس کیوجہ سے انہیں لکھنؤ کے پی جی آئی ہسپتال میں داخل کرایا گیا۔

واضح رہے کہ انہیں ڈائبٹیز (شوگر) کی وجہ سے سانس لینے میں پریشانی اور پورے جسم میں سوجن ہے اور اس کے ساتھ ساتھ خون کی کمی بھی بتائی جارہی ہے۔

واضح رہے کہ پی جی آئی میں ماہر ڈاکٹرز ان کا علاج کررہے ہیں، جبکہ فی الوقت ان کی حالت مستحکم بتائی جارہی ہے۔