باندہ: مختار انصاری ہسپتال میں داخل

باندہ جیل میں قید رکن اسمبلی مختار انصاری کی طبیعت خراب ہونے پر انہیں باندہ میڈیکل کالج میں داخل کرایا گیا۔

اتر پردیش کے ضلع باندہ کی جیل میں قید رکن اسمبلی مختار انصاری کی طبیعت منگل کی دوپہر اچانک بگڑ گئی۔ جس کے بعد انہیں باندہ میڈیکل کالج میں داخل کرایا گیا۔

فی الحال انہیں کیا ہوا ہے کوئی بھی عہدے دار کچھ کہنے کو تیار نہیں ہے۔ مختار انصاری کو 6 اپریل کو پنجاب کی روپن جیل سے باندہ جیل لایا گیا تھا۔ پانچ ماہ میں پہلی بار انہیں جیل سے باہر لایا گیا ہے۔

بتایا جارہا ہے کہ جب منگل کی صبح باندہ جیل میں ان کی طبیعت خراب ہوئی تو انہیں سب سے پہلے جیل ہسپتال لایا گیا۔ جب یہاں حالت سنگین ہوگئی تو انہیں میڈیکل کالج ریفر کردیا گیا۔

اس معاملہ کو اعلیٰ حکام کے علم میں لایا گیا۔ جس کے بعد مختار انصاری کو میڈیکل کالج میں داخل کرایا گیا ہے۔ میڈیکل کالج میں پولیس اور پی اے سی کے دستے بھی تعینات کیے گئے ہیں۔ مختار کی حالت تشویشناک بتائی جارہی ہے۔ فی الحال کوئی بھی عہدےدار کچھ کہنے کو تیار نہیں ہے۔