مختار انصاری کی ایمبولینس لاوارث حالت میں پائی گئی

رکن اسمبلی مختار انصاری کو جس ایمبولینس میں موہالی عدالت میں پیش کیا گیا تھا وہ چنڈی گڑھ- اونا شاہراہ پر ایک ڈھابے کے قریب لاوارث حالت میں پائی گئی۔

بہوجن سماج پارٹی کے رکن اسمبلی مختار انصاری کو موہالی عدالت میں جس ایمبولینس سے لے جایا گیا تھا وہ چنڈی گڑھ-اونا شاہراہ پر ایک ڈھابے کے قریب لاوارث حالت میں پائی گئی، موقع پرپہنچی پنجاب کی پولیس ایمبولینس کی جانچ کر رہی ہے۔

مختار انصاری کی ایمبولینس

اترپردیش کے ضلع بارابنکی کے ایک اسپتال کے نام پر رجسٹر یہ ایمبولینس ان دنوں پورے ملک میں ایک بحث کا موضوع بنی ہوئی ہے۔ اس معاملے کی تحقیقات کے لئے یوپی پولیس کی ایک ٹیم بھی پنجاب گئی ہے۔ ایمبولینس کیس میں بارا بنکی میں ایف آئی آر بھی درج کرائی گئی ہے۔ یہ ایمبولینس ڈاکٹر الکا رائے کے نام پر رجسٹرڈ ہے، مختار انصاری کو اسی ایمبولینس کے ذریعہ باندہ جیل لایا جا رہا تھا لیکن اب یہ ایمبولینس ڈھابے کے قریب لاوارث حالت میں ملی ہے۔