مسجد اینگلو عربک اسکول کے امام مفتی قاسم قاسمی نے بی جی پی کے رکن پارلیمان کے بیان پر اپنے رد عمل کا اظہار کر تے ہوے کہا کہ دیوبند پر ان کے ذریعہ دیئے گئے متنازعہ بیان پر انہیں معافی مانگنی چاہیے۔
انہوں نے مزید کہا کہ جنگ آزادی میں دارالعلوم اور وہاں کے علماوں نے جو قربانیاں پیش کی ہیں وہ تاریخ کے اوراق میں سنہرے الفاظ میں درج ہیں ۔انہیں چاہیے کہ وہ تاریخ کی کتابوں کا مطالعہ کریں۔
مفتی قاسم نے کہا کہ اس طرح کے متنازعہ بیانات کے ذریعہ گری راج سنگھ جیسے رہنما پاکستان کو موقع دیتے ہیں ۔ انہوں نے کہا یہی لوگ یہ کہتے ہیں کہ پاکستان دہشت گردوں کی آماجگاہ ہے ۔ ایسے میں ان کا یہ بیان پاکستان کو کتنا فائدہ پہونچا ئیگا۔
انہوں نے کہا کہ گری راج سنگھ کو یہ بات نہیں بھو لنی چاہیے کہ دارالعلوم دیوبند کی قربانیوں کی وجہ سے ہی وہ آج آزاد ملک میں جی رہے ہیں اور رکن پارلیمان ہیں۔
انہوں نے مزید کہا کہ اپنے بیا ن کو لے کر انہیں دارالعلوم دیوبند اور وہاں کے اساتذہ سے معافی مانگنی چاہیے۔