'بچوں کی ذمہ داری والدین اور سرپرستوں پر ہوتی ہے'

مفتی شہر بنارس مولانا عبد الباطن نعمانی نے لوگوں سے اپیل کی کہ وہ افواہوں پر دھیان نہ دیں اور شہر میں بچہ چوری کی جو خبریں آرہی ہیں اس سے ہوشیار رہیں۔

مولانا عبدالباطن نعمانی نے کہا کہ ہاں اگر کسی اجنبی پر بچہ چور ہونے کا شک ہوتو اسے پکڑ کر پولیس کے حوالے کریں اور قانون اپنے ہاتھ میں نہ لینے کی کوشش نہ کریں۔

اور اس طرح کی جتنی بھی خبریں آرہی ہیں وہ افواہوں پر مبنی ہیں اور اس میں حقیقت بہت کم ہے بھیڑ اکٹھا کر کے کسی کو مارنا پیٹا یا قانون اپنے ہاتھ میں لینا مناسب نہیں ہے۔

انھوں نے مزید کہا کہ' ہمیں اپنے بچوں کی حفاظت خود کرنی چاہیے بچوں کو کہیں بھی اکیلا نہیں بھیجنا چاہیے اس لیے کہ ان کے تحفظ کی ذمہ داری ہمارے اوپر ہے۔

انہوں نے بتایا کہ پولیس کے اعلیٰ افسران نے ان سے رابطہ کیا ہے اور انہوں نے یہی باتیں کہی ہیں کہ وہ عوام سے اس بات کی اپیل کریں۔

مولانا عبدالباطن نعمانی نے عوام سے صبر و سکون سے رہنے کی اپیل کی ہے۔