میرٹھ: پانی کے تحفظ کے لیے واٹر ہارویسٹنگ سسٹم

رواں برس جنوبی ہند میں پانی کے سخت بحران پر پورا ملک فکر مند ہوگیا ہے اندیشہ ہے کہ آنے والے دنوں میں بھارت کے متعدد شہروں میں پانی کی قلت کا سامنا ہوگا ایسے میں عبادت گاہوں میں پانی کی تحفظ کے لیے انتظامات شروع کر دیے گئے ہیں۔

مسجد میں نمازی وضو کرتے ہیں جس یومیہ لاکھوں لیٹر پانی کا استعمال ہوتا ہے ایسے میں مسجد انتظامیہ نے فیصلہ کیا ہے کہ واٹر ہارویسٹنگ سسٹم کے ذریعے پانی کی سطح میں اضافہ کیا جا سکتا ہے۔

میرٹھ کے برسوں قدیم تاریخی جامع مسجد میں شہر کے نائب قاضی زین الراشدین نے کہا کہ پانی کے تحفظ کے لیے واٹر ہارویسٹنگ سسٹم کو تیار کیا جائے گا، تاکہ وضو کا استعمال شدہ پانی اور بارش کی پانی سے سطح آب میں اضافہ کیا جاسکے گا۔

انہوں نے کہا کہ پانی زندگی کا انمول تحفہ ہے، اس کی فضول خرچی پر مذہب اسلام نے بھی پابندی عائد کی ہے لہذا پانی کو ضائع ہونے سے بچایا جائے تاکہ آنے والی نسل کو پریشانیوں کا سامنا نہ کرنا پڑا۔

واضح رہے کہ رواں پرس جون میں میرٹھ و اطراف میں پانی کی سطح 6 فٹ نیچے چلی گئی تھی جس سے ماہرین کا اندازہ ہے کہ 2050 تک میرٹھ میں پانی کا شدید بحران ہوگا اور پینے کا پانی بھی میسر نہیں ہوگا۔