ایم پی۔ ایم ایل اے عدالت سے اعظم خان کی ضمانت عرضی خارج

اے ڈی جی سی رام اوتار سنگھ سینی نے بتایا کہ 'اعظم خان پر سال 2019 میں عظیم نگر علاقے میں واقع 13.842ہیکٹر زمین کو غیر قانونی طریقے سے قبضہ کر کے یونیورسٹی میں ملا لیا گیا تھا۔

ریاست اترپردیش کے ضلع رامپور میں ایم پی۔ایم ایل اے عدالت نے انیمی پراپرٹی کو جوہر یونیورسٹی کے احاطے میں شامل کرنے کے ایک معاملے میں سابق وزیر و موجودہ رکن پارلیمان اعظم خان کی ضمانت کی عرضی خارج کردی۔

ضلع رامپور میں اعظم خان و دیگر کے ذریعہ جوہر یونیورسٹی میں انیمی پراپرٹی کو ملانے کے الزام میں ضمانت عرضی پر سماعت ہونی تھی۔ ایم پی ۔ ایم ایل اے عدالت کے جج جسٹس آلوک دوبے نے اعظم خان کی ضمانت عرضی کو خارج کردیا۔

اے ڈی جی سی رام اوتار سنگھ سینی نے بتایا کہ 'اعظم خان پر سال 2019 میں عظیم نگر علاقے میں واقع 13.842ہیکٹر زمین کو غیر قانونی طریقے سے قبضہ کر کے یونیورسٹی میں ملا لیا گیا تھا۔

انہوں نے بتایا کہ 'اس ضمن میں تھانہ عظیم نگر میں ہی مقدمہ قائم ہوا تھا۔ اس معاملے میں اعظم خان کی بیوی و موجودہ شہر رکن اسمبلی ڈاکٹر تزئین فاطمہ ان کے بیٹے عبداللہ اعظم، شیعہ وقف بورڈ کے انتظامی افسر احمد زید، وقف کے متولی انور مسعود گڈو وغیرہ اس میں شامل ہیں۔

اس وقت اعظم خان اور ان کے بیٹے عبداللہ اعظم سیتاپور کی جیل میں قید ہیں۔ اعظم خان کو علاج کے لئے دہلی کے میدانتا میں داخل کرایا گیا ہے۔ ان کی بیوی تزئین فاطمہ ضمانت پر باہر ہیں۔

(یو این آئی)