Rampur Student Stuck in Ukraine: یوکرین میں پھنسی شذى عثمان کی والدہ نے حکومت سے مدد کا مطالبہ کیا

یوکرین میں روس کی جانب سے جاری فوجی حملوں اور بمباری کے پیش نظر وہاں زیر تعلیم بھارتیہ طلبہ کے والدین کافی فکر مند ہیں۔ یوکرین میں زیر تعلیم ریاست اترپردیش کے رامپور کی رہائشی شذى عثمان کی والدہ رامپور کلکٹریٹ پہنچ کر اے ڈی ایم سے ملیں اور اپنی بیٹی کو واپس بلانے کی فریاد کی۔ Russia Ukraine War

روس کی جانب سے یوکرین میں فوجی آپریشن کے پیش نظر وہاں زیر تعلیم سینکڑوں بھارتی طلباء و طالبات کے والدین کافی پریشان اور فکرمند ہیں۔ انہیں میں ضلع رامپور کی ایک طالبہ شذى عثمان بھی ہیں۔ MBBS Student of Rampur Stuck in Ukraine

شذى عثمان نے اپنی ویڈیو سوشل میڈیا پر جاری کرکے حکومت ہند سے مدد کی درخواست کی ہیں۔ وہیں ان کی والدہ ثمینہ نادر عام آدمی پارٹی کے رہنما اور اسمبلی امیدوار فیصل خان لالا کے ہمراہ کلکٹریٹ پہنچیں اور انہوں نے ایڈیشنل ڈسٹرکٹ مجسٹریٹ کو درخواست دےکر اپنی بیٹی شذى عثمان کو سلامتی کے ساتھ بھارت واپس لانے کی فریاد کی۔ Rampur Girls Video from Ukraine

شذى عثمان کی والدہ نے کہا کہ 'ان کی بیٹی اور دیگر بھارتی طلبہ وہاں کافی تکلیف میں ہیں۔ انہوں نے کہا کہ 'وہ لوگ ایک بنکر میں ہیں۔ وہاں شدید سردی ہے، شدید سردی کا منفی اثر ان کی بیٹی کی صحت پر پڑ سکتا ہے۔' ساتھ ہی انہوں نے کہا کہ 'بنکر میں کھانے پینے کا بھی کچھ نظم نہیں ہے۔' Rampur Students Trapped in Ukraine

وہیں عام آدمی پارٹی کے رہنما فیصل خان لالا نے کہا کہ 'روس یوکرین کے درمیان جاری تنازع میں بھارتی طلباء کی جان کو خطرہ بنا ہوا ہے۔ انہوں نے حکومت ہند سے مطالبہ کرتے ہوئے کہا کہ بھارتی طلباء کو جلد از جلد وطن واپس لایا جائے۔'

واضح رہے کہ رامپور ہیڈکوارٹرز پر قائم کیے گئے کنٹرول روم کے مطابق شذى عثمان کے اہل خانہ سمیت ضلع کی تقریباً 21 خاندان نے اب تک کنٹرول روم میں جاکر اندراج کراکر جانکاری دی ہے کہ ان کے بچے یوکرین میں پھنسے ہوئے ہیں۔ اس متعلق انتظامیہ کی جانب سے کنٹرول روم کے نمبر بھی جاری کئے گئے ہیں جو اس طرح ہیں: 9871316731، 9068309528 اور 9068302632