انعامی بدمعاش گرفتار

ریاست اترپردیش کی ایس ٹی ایف نوئیڈا یونٹ نے اس وقت بڑی کامیابی حاصل کی جب 11 سال سے مطلوب 50 ہزار روپے کے انعامی بدمعاش راکیش عرف ادے بھان کو راجستھان کے الور سے گرفتار کیا گیا۔

راکیش پیلی بھیت کے سنگڑی میں 2008 سے گینگسٹر کے مقدمے میں مطلوب تھا۔ اسی مقدمے میں اس پر 50 ہزار روپے کے انعام کا اعلان کیا گیا تھا۔ اپنے ساتھیوں کے ساتھ راکیش اترپردیش کے مختلف اضلاع میں لوٹ و چین اسنیچنگ کی متعدد واردات کو انجام دے چکا ہے۔ جس کی پولیس کو شدت سے تلاش تھی۔