کووڈ 19: مسجدوں میں نمازیوں کے لیے خاص انتظامات

بارہ بنکی میں واقع اسٹیشن والی مسجد میں کورونا وائرس سے بچاو کے لیے وضو خانے میں سینیٹائزرس اور صابن رکھے گئے ہیں۔

ریاست اتر پردیش کے دارالحکومت لکھنو سے متصل ضلع بارہ بنکی میں کورونا وائرسس سے عوام کو بچانے کے لیے انتظامیہ کے ساتھ ساتھ سبھی ادارے اقدامات عمل میں لا رہے ہیں۔

آج جمعہ ہے اور مسجدوں میں کس طرح کے انتظامات کیے گئے ہیں اس بات کی جانکاری حاصل کرنے کے لیے ای ٹی بھارت کے نمائندے کے اسٹیشن والی مسجد کا دورہ کیا۔

مسجد کے منتظم ہارون نے بات چیت میں کہا 'مسجد میں نمازیوں کو اس وائرس سے بچانے کے لیے خاص انتظامات کیے گئے ہیں، وضو خانے میں ہر جگہ صابن اور سینیٹائزر رکھے گئے ہیں'۔

انہوں نے مزید کہا 'اس کے علاوہ مسجد میں بزرگوں اور نوجوانوں کو یہ ہدایت جاری کی گئی ہے کہ ایک دوسرے سے الگ بیٹھیں۔

ملک بھر میں جمعہ کی نماز ادا کی جانی ہے، اسلیے ہر مسجد میں انتظامیہ کی جانب سے نمازیوں کو وائرس سے بچانے کے لیے اقدامات کیے گئے ہیں۔

کورونا وائرس سے اب تک ملک بھر میں 5 افراد ہلاک ہو چکے ہیں جبکہ 200 سے زائد افراد اس وائرس سے متاثر ہیں۔