Mass Marriage Plan اجتماعی شادی منصوبہ کے تحت اب تک ایک لاکھ 92 ہزار سے زائد جوڑوں کی شادی ہوئی

اتر پردیش حکومت نے غریب لڑکیوں کی شادی کے لیے اسکیم تیار کی تھی جو 2017/18 سے جاری ہے۔ جس کے تحت ’فی جوڑا‘ 51 ہزار روپیے سماجی بہبود محکمہ کے ذریعہ خرچ کیا جاتا ہے۔ CM Marriage Scheme

لکھنؤ: ڈائریکٹر سماجی بہبود راکیش کمار نے بتایا کہ سماجی بہبود محکمہ کے ذریعہ وزیراعلیٰ اجتماعی شادی منصوبہ کے تحت ریاست کے اقتصادی طور پر کمزور لڑکیوں کی شادی کرائی جا رہی ہے۔ اسکیم کے تحت فی جوڑا 51 ہزار روپیے کی رقم خرچ کی جاتی ہے، جس میں 35000 روپیے لڑکی کے بینک اکاؤنٹ میں بھیجی جاتی ہے اور 10 ہزار روپیے تحائفی اشیاء کی شکل میں دی جاتی ہے جب کہ چھ ہزار روپیے تقریب کے انعقاد میں خرچ کیے جاتے ہیں۔ more than 192 thousand couples got married under the collective marriage plan

کمار نے بتایا کہ اس اسکیم کا فائدہ پانے کے لیے لڑکی کے سرپرست اترپردیش کے اصل باشندے ہوں اور درخواست دہندگان کے کنبہ کی آمدنی دو لاکھ سالانہ سے زائد نہ ہو۔ اس کے علاوہ شادی کی تاریخ کو لڑکی کی عمر 18 برس یا اس سے زیادہ ہو اور لڑکے کی عمر 21 سال یا اس سے زیادہ کی ہونی چاہیے۔

اس ضمن میں انہوں نے بتایا کہ اسکیم کی شروعات سال 2017 - 18 سے لے کر اب تک کل ایک لاکھ 92 ہزار سے زائد جوڑوں کو اس اسکیم کے تحت شادی کرائی گئی ہے۔