مرادآباد: قبرستان کے پاس کوڑا گھر کے تعمیر پر روک

مرادآباد کے ایک قدیم قبرستان کے پاس کوڑا گھر تعمیر کیا جارہا ہے جس پر علاقے کی عوام نے سخت ناراضگی کا اظہار کیا ہے۔

ریاست اتر پردیش کے شہر مرادآباد میں بدھ کے روز کمیٹی قدیم قبرستان وقف آزاد نگر تنظیم کے کارکنان اور ذمہ داران نے مرادآباد ڈی ایم کو ایک میمورنڈم دے کر مطالبہ کیا ہے کہ آزاد نگر کے موڑ پر واقع قبرستان کے برابر میں ایک کوڑا گھر بنایا جا رہا ہے جس کی تعمیر فوری طور پر رکوائی جائے۔

کمیٹی کے سیکریٹری انور لطیف نے اس تعلق سے بتاتے ہوئے کہا کہ قبرستان کے پاس ہی شہری انتظامیہ کی طرف سے کوڑا گھر بنیا جارہا ہے چونکہ یہاں قبرستان کے علاوہ مسجدیں اور رہائشی مکانات ہیں اس لیے کوڑے دان کے سبب انھیں کافی پریشانی کا سامنا کرنا پڑسکتا ہے اس لیے تنظیم یہاں کوڑے دان کی تعمیر کے خلاف ہے۔