مسلم دانشوران کی جانب سے برادران وطن کو دیوالی کی مبارکباد

چھٹن خان نے دیوالی کے اس موقع پر ملک کی عوام کو مبارکباد دیتے ہوئے کہا دیوالی ایک ایسا تہوار ہے جس میں اندھیروں کو مٹاکر روشنیوں کو آباد کیا جاتا ہے۔

ریاست اتر پردیش کے مرادآباد میفئر کالج کے پرنسپل چھٹن خان کا کہنا ہے کہ دیوالی پیار و محبت آپسی بھائی چارہ اور اتحاد کا تہوار ہے۔ دیوالی کا تہوار روشنی کے ذریعہ اندھیروں کو مٹا دینا یا اپنے گھر میں روشنی کرنا نہیں بلکہ دلوں سے اندھیروں اور نفرتوں کو مٹانا ہے۔

انھوں نے یہ بھی کہا کہ دیوالی کا تہوار کسی ایک مذہب کا نہیں پورے ملک کا تہوار ہے، بھارت میں پیار محبت اتحاد و ملت کی اس سے بڑی مثال کیا ہوگی کہ ہندو بھائی مسلمانوں کے گھر مٹھائی لیکر جاتے ہیں اور مسلم بھائی ہندوؤں کے گھر تحائف بھیجتے ہیں۔