Unity Message on Christmas EVE مسلم سماج نے کرسمس کے موقعے پر اتحاد کا پیغام دیا

مرادآباد ضلع کے فلپس میتھوڈسٹ میموریل چرچ اور دیگر گرجا گھروں عیسائی برداری کی جانب سے کرسمس کے موقعے پر روایتی عبادت کے اہتمام کے ساتھ ساتھ بھائی چارے اوراتحاد کا بھی پیغام عام کیا۔ Unity Message On Christmas EVE

مرادآباد: ملک کی دوسری ریاستوں کی اترپردیش کے مختلف اضلاع میں واقع گرجا گھروں میں کرسمس کے موقع پر تقریبات کا اہتمام کیا گیا اور اس کے ذریعہ بھائی چارے اور اتحاد کا پیغام عام لوگوں تک پہنچانے کی کوشش کی گئی۔ مرادآباد شہر میں بھی کرسمس کے دوران ہندو مسلم بھائی چارے کی ایک مثال دیکھنے کو ملی۔ فلپس میتھوڈسٹ میموریل چرچ، پیلی کوٹھی، مرادآباد میں مسلم طبقے کے لوگوں نے بھائی چارہ کیمپ کا انعقاد کیا اور گرجا گھروں میں آنے والے لوگوں کے درمیان کافی، چائے اور پاپ کارن تقسیم کیے۔ Unity Message on Christmas EVE in Moradabad

مسلم طبقے نے اس مرتبہ کرسمس کے تہوار میں بڑھ چڑھ کر حصہ لیا اور عیسائی برداری کے ساتھ مل کر بھائی چارے کا پیغام عام لوگوں تک پہنچانے کی کوشش کی۔ ریاست میں یہ پہلا موقع جب مسلمانوں نے کرسمس کے تہوار میں بڑھ چڑھ کر حصہ لیا۔ اس موقعے پر آل ریلیجن اینڈ فریٹرنٹی آرگنائزیشن کے ریاستی خزانچی حاجی انور عباسی اور تنظیم کے صدر طاہر حسین نے میڈیا سے گفتگو کرتے ہوئے کہا کہ تمام مذاہب کے لوگوں کی جانب سے تہواروں کے موقع پر کیمپ لگاتے ہیں اور ایک دوسرے کو مبارکباد کے ساتھ ساتھ ان کی پریشانیوں کو دور کرنے کی کوشش کرتے ہیں ۔

انہوں نے کہا کہ اگر ہم ریاست اتر پردیش کے مرادآباد کی بات کریں تو شہر کے تمام گرجا گھروں کو ڈیجیٹل لائٹس سے سجایا گیا تھا، گرجا گھروں میں مختلف ثقافتی تقریبات کا اہتمام کیا گیا۔ ان تقریبات میں عیسائی برداری کے ساتھ ساتھ مختلف مذاہب کے لوگوں نے بھی شرکت کی۔ ان کاکہنا ہے کہ اس موقعے پر کوئز کمپیٹیشن کا اہتمام کیا گیا۔ یہ پہلی بار نہیں ہے کہ اس طرح کی مثال پیش کی گئی ہے بلکہ ہر تہوار پر خواہ وہ کسی بھی مذہب یا ذات کا تہوار ہو ہم کیمپ لگا کر بھائی چارے کی مثال پیش کرتے ہیں۔ Muslim And Christian Community Spread Unity And Integration Message On Christmas EVE