The Honor of Writing Quran by Hand تین سال کی قلیل مدت میں فاطمہ نے ہاتھوں سے قرآن کریم لکھا

ہونہار لڑکی فاطمہ کے استاد مولانا صداقت علی نے بتایا کہ وہ روزانہ نمازِ تہجد ادا کرتی اور اس کے بعد 12 سے 15 گھنٹے تک قرآن کریم کا ورد کرتی تھیں۔ فاطمہ کو اپنے ہاتھوں سے قرآن کریم لکھنے کا شوق تھا۔ تھوڑا وقت ملتا تو لکھنے لگ جاتیں۔ انہوں نے بتایا کہ فاطمہ کے اس کام میں اہل خانہ نے بھی بھرپور تعاون کیا۔ Fatima Completed Writing Quran by Hand in Three Years

مراد آباد:ریاست اترپردیش کے شہر مراد آباد سے متصل گاؤں بھٹوالی کے رہنے والے مفتی سلطان کی 17 سالہ صاحبزادی فاطمہ نے تین سال کی قلیل مدت میں اپنے ہاتھوں قرآن کریم لکھنے کی سعادت حاصل کی ہے۔ Fatima had the privilege of writing the Holy Quran

ہونہار لڑکی فاطمہ کے استاد مولانا صداقت علی نے بتایا کہ وہ روزانہ نمازِ تہجد ادا کرتی اور اس کے بعد 12 سے 15 گھنٹے تک قرآن کریم کا ورد کرتی تھیں۔

انہوں نے مزیدکہا کہ فاطمہ کو اپنے ہاتھوں سے قرآن کریم لکھنے کا شوق تھا، تھوڑا وقت ملتا تو لکھنے لگ جاتیں۔ انہوں نے بتایا کہ فاطمہ کے اس کام میں اہل خانہ کا بھی بھرپور تعاون رہا ہے۔

انہوں نے کہا کہ قرآن کریم لکھنے میں درپیش رکاوٹوں کو دور کرنے اور فاطمہ کے اس باوقار اور عظیم الشان امر کی تکمیل میں انہوں نے بھی فاطمہ کی مددکی۔ فاطمہ نے یہ عظیم کارنامہ انجام دے کر جہاں ایک طرف ایمانی حمیت کا ثبوت پیش کیا ہے تو وہیں دوسری جانب انہوں نے اپنے گاؤں اور شہر کا نام روشن کیا ہے۔

انہوں نے بتایا کہ فاطمہ پڑھائی میں بہت اچھی ہے۔ بیٹی کی اس کامیابی پر فاطمہ کے والد بہت خوش ہیں۔ انہوں نے بتایا کہ آج پورے گاؤں میں خوشی کا ماحول ہے۔ دور دور سے رشتہ دار اور دیگر جاننے والے بھی بیٹی کو مبارکباد دینے آرہے ہیں۔