مرادآباد: کھوکھلے ثابت ہوتے سرکاری منصوبے

مرکزی حکومت اور صوبائی حکومت شہر شہر اور گاؤں گاؤں کی ترقی اور خوشحالی کیلئے تمام منصوبے چلا رہی ہے لیکن ان منصوبوں کی حقیقت اگر زمینی سطح پر دیکھی جائے تو یہ منصوبے صاف طور پر کھوکھلے دکھائی دے رہے ہیں۔

ریاست اترپردیش کے مرادآباد کے تھانہ کندرکی کے علاقے کے نگلہ ہاشہ گاؤں کی صورت بالکل خستہ حال ہے۔ گاؤں میں سڑکیں بالکل خراب حالت میں ہیں۔ برسات میں جگہ جگہ پانی جمع ہوجانا یہاں عام بات ہے۔

ای ٹی وی بھارت اردو کی ٹیم نے نگلہ ہاشہ گاؤں کا جائزہ لیا تو یہ گاؤں اپنی بدحالی پر آنسو بہاتا دکھائی دیا۔ مقامی لوگوں نے بتایا کہ گاؤں میں بنے کچے مکان کیلئے کوئی منصوبہ نہیں دیا گیا گاؤں کی سڑکوں کی حالت بد سے بدتر ہے۔

مرادآباد: کھوکھلے ثابت ہوتے سرکاری منصوبے

مقامی لوگوں کے مطابق گاؤں کی سڑکیں کاغذوں میں پکی سیمنٹ کی بنی ہوئی ہیں لیکن زمینی سطح پر دیکھا گیا کہ گاؤں میں نہ سڑکیں ہیں اور نہ غریبوں کے پاس آشیانے۔