سمبت پاتر اور نیوز چینل صحافی کے خلاف ایف آئی آر درج کرنے کا مطالبہ

ریاست اتر پردیش کے ضلع مرادآباد میں ڈسٹرکٹ مجسٹریٹ دفتر کے باہر مہا نگر کانگریس کمیٹی (مرادآباد) کے سابق صدر اسد مولائی نے ایک نجی نیوز چینل کے صحافی اور بی جے پی ترجمان سمبت پاترا کے خلاف ایف آئی آر درج کرنے کا مطالبہ کیا ہے۔

اسد مولائی نے میڈیا سے بات چیت کرتے ہوئے بتایا کہ گزشتہ ماہ انہوں نے ضلع پولس انتظامیہ سے حضرت خواجہ معین الدین چشتیؒ کی شان میں گستاخی کرنے والے نجی نیوز چینل کے صحافی اور بی جے پی کے ترجمان سمبت پاترا کے خلاف ایف آئی آر درج کرنے کی مانگ کی تھی لیکن ان کے خلاف ابھی تک کوئی ایف آئی آر درج نہیں ہوئی ہے۔

انہوں نے بتایا کہ ان کے خلاف کارروائی نہ ہونے کی وجہ سے سی جی ایم کورٹ مرادآباد کے ذریعہ ان پر مقدمہ درج کرنے کا مطالبہ کیا ہے۔

مہا نگر کانگریس کمیٹی کے سابق صدر اسد مولائی نے پولس پر الزام لگاتے ہوئے بتایا کہ اس معاملے میں پولس انہیں پریشان کر رہی ہے۔