مئو میں مانسون کی دستک

اترپردیش کے ضلع مئو میں مانسون کی پہلی بارش سے مقامی لوگوں کو گرمی سے کچھ راحت ملی ہے۔

مشرقی اترپردیش کے کئی اضلاع میں مانسون نے دستک دے دی ہے۔ مئو ضلع میں بھی موسم کی پہلی بارش نے شدت کی گرمی سے کچھ راحت دی ہے۔

تیز ہواؤں کے ساتھ ہوئی برسات سے موسم خوشگوار ہوگیا ہے۔ جون کے پہلے ہفتے میں کاشتکار دھان کی فصل کی تیاری کرتے ہیں۔ یہ بارش ان کے لئے بھی مفید ہے۔ گزشتہ دنوں میں درجہ حرارت میں اضافہ ہونے سے عام زندگی کافی متاثر ہو گئی تھی۔

آج ہوئی بارش نے عام آدمی کو شدید گرمی سے کچھ راحت دی ہے۔ بارش اور تیز ہواؤں کے سبب سڑکوں پر آمد و رفت بھی کافی کم نظر آئی۔