نشے کی حالت میں ایک شرابی نے بندر کو بے رحمی سے پیٹا

اترپردیش کے ضلع متھرا میں ایک شرابی نے بندر کو اٹھا پٹخ کر بے رحمی سے مارا پیٹا جس کے سبب بندر بھی بری طرح سے زخمی ہوا ہے۔

یہ واقعہ متھرا میں کوسی کلاں حلقے کے گاؤں کامر میں پیش آیا ہے جہاں مداری اپنے بندروں کے کھیل دکھارہا تھا، تبھی وہاں ایک شرابی کھیل دیکھنے پہنچا اور بیٹھ کر بندروں کا کھیل دیکھنے لگا۔

اسی وقت ایک بندر پر شرابی کو غصہ آگیا جس کے بعد اس نے بندر کے گلے میں بندھی ہوئی رسی کو پکڑ لیا اور اسے پٹخ پٹخ کر مارنا پیٹنا شروع کردیا، مقامی لوگوں نے مداخلت کرتے ہوئے اس بندر کو شرابی سے چھڑایا۔

حالانکہ اس واقعہ کے بعد مقامی لوگوں کی مدد سے مداری نے بندر کو اسپتال میں زخمی بندر کا علاج کرایا۔ لیکن اس حادثے میں بندر کے دونوں پیر ٹوٹ چکے تھے۔