سہارنپور: ایک شاطر چور گرفتار، 17 موبائل برآمد

گزشتہ 25 جون کو سہارنپور ریلوے اسٹیشن کے پاس سیمسنگ موبائل کی دوکان میں چوری ہوئی تھی آج تھانہ صدر بازار پولیس نے ایک چور گرفتار کیا ہے۔

اسٹیشن کے پاس مذکورہ دوکان میں چوروں نے چوری کی واردات کو انجام دیا تھا جس میں چوروں نے دوکان سے قیمتی موبائل اور نقدی لے کر فرار ہوگئے تھے۔

تھانہ صدر بازار پولیس کی جانب سے مخبر کی اطلاع کی بنیاد پرآج گنگوہ بس اسٹینڈ کے پاس سے ایک شاطر چور کو گرفتار کیا ہے جس کے پاس سے چوری کے 17موبائل فون، 12چارجر، 10ایئرفون، 40ہزار روپے نقد برآمد کیے ہیں۔

اس سلسلے میں ایس ایس پی ڈاکٹر ایس چننپا نے بتایا کہ کچھ روز قبل ریلوے اسٹیشن روڈ پر موبائل کی دوکان میں چوری کی واردات کو انجام دیا تھا جس میں آج ایک چور کو گرفتار کیا گیا ہے، باقی ان کے ساتھیوں کی تلاش کی جارہی ہے اور ان کے جرائم ریکارڈ بھی تلاش کیے جارہے ہیں۔