مرادآباد: ریاست اترپردیش کے مرادآباد شہر میں واقع مدرسہ امدادیہ میں اقلیتوں کے حقوق کے دن پر ایک پروگرام کا اہتمام کیا گیا جس میں ضلع اقلیتی افسر و اقیلتی طبقہ کے لوگوں نے کثیر تعداد میں شرکت کی۔ مرادآباد کے مدرسہ امدادیہ میں منعقد پروگرام میں اقلیتوں کے حقوق پر بات چیت کی گئی۔ ضلع اقلیتی افسر انجنا سروہی نے پروگرام سے متعلق جانکاری دیتے ہوئے کہا کہ اس پروگرام کا مقصد اقلیتوں کو ان کے حقوق سے آگاہ کرنا ہے۔ Minority Rights Day Celebrated at Madrasa Imdadia
ضلع اقلیتی افسر انجنا سروہی نے بتایا کہ مدرسہ امدادیہ میں اقلیتوں کے حقوق کے حوالے سے ایک سیمینار کا انعقاد کیا گیا ہے، جس میں اقلیتی سماج سے وابستہ مذہبی لوگوں نے شرکت کی۔ اقلیتوں کو کیا کیا حقوق دیئے گئے ہیں اور انہیں مزید کیا حقوق ملنے چاہیے، اس پر تبادلہ خیال کیا گیا۔ اس کے علاوہ مدرسہ کے طلباء نے سائنسی نمائش میں سائنس کے ماڈلز بنائے اور پیش کیے جنہیں سب نے خوب سراہا۔ ضلع اقلیتی افسر انجنا سروہی نے بتایا کہ یوم اقلیتی حقوق کے موقع پر اقلیتوں کے حقوق کے بارے میں بتایا گیا اور بتایا گیا کہ ہم مرکزی حکومت اور ریاستی حکومت میں جاری اقلیتی اسکیموں سے کس طرح فائدہ اٹھا سکتے ہیں۔ Minority Rights Day Celebrated at Madrasa Imdadia Moradabad