بارہ بنکی: گودام میں آتشزدگی سے لاکھوں کا سامان خاکستر

لوگوں کا کہنا ہے کہ 'آگ پر قابو پانے میں گودام کے برابر سے بہہ رہے نالے کا اہم کردار رہا ہے۔ فائر بریگیڈ  کی متعدد گاڑیوں کا پانی جب خالی ہو گیا تو نالے کے پانی سے آگ بجھانے کا کام شروع کردیا گیا۔'

ریاست اتر پردیش کے بارہ بنکی میں ہفتہ کی صبح ایک بھونسہ گودام میں نہ معلوم وجوہات سے آگ لگ گئی۔

دراصل معاملہ شہر کے کوتوالی حلقہ کے پیر بٹاون محلے کا ہے۔ یہاں محبوب عالم کے بھونسہ گودام میں صبح تقریبآ 7 بجے لوگوں کو آگ کی لپٹیں نظر آئیں۔ مقامی افراد نے گودام کے مالکان اور فائر بریگیڈ کا اطلاع دی۔ اس کے بعد فائر بریگیڈ کے ساتھ مقامی افراد نے مل کر گھنٹوں کی مشقت کے بعد آگ پر قابو پایا۔

آگ لگنے کی وجہ کا پتا نہیں چل سکا ہے۔

وہیں لوگوں کا کہنا ہے کہ 'آگ پر قابو پانے میں گودام کے برابر سے بہہ رہے نالے کا اہم کردار رپا ہے۔

انہون نے بتایا کہ 'فائر بریگیڈ کی متعدد گاڑیوں کا پانی جب خالی ہو گیا تو نالے کے پانی سے آگ بجھانے کا کام شروع کر دیا گیا۔'

حادثہ میں جانی نقصان کی کوئی خبر نہیں ہے۔ لیکن لاکھوں کے نقصان کا امکان ظاہر کیا جا رہا ہے۔

فی الحال پولیس معاملے کی تفتیش کر رہی ہے۔