ہردوئی میں دودھ فروش نوجوان کا گولی مارکر قتل

اترپردیش کے ہردوئی میں اتوار کو دن دہاڑے نامعلوم حملہ آوروں نے ایک دودھ فروش کو گولی مارکر قتل کردیا۔

ہردوئی میں ایک دودھ فروش کا گولی مار کر قتل کرنے کا معاملہ سامنے آیا ہے۔ پولیس ذرائع نے یہ اطلاع دی ہے۔

انہوں نے بتایا کہ سنڈیلا کوتوالی علاقہ آٹا ماؤ کا باشندہ 28 سالہ دودھ فروش یونس روز کی طرح آج بھی گھر سے دودھ لیکر بائک سے تھاور مال جارہا تھا۔ کوتوالی علاقہ میں پہتوئیا گاؤں کے نزدیک دو بائکوں پر سوار چھ حملہ آوروں نے پیچھا کرکے یونس کو گولی مار دی اور موقع پر ہی اس کی موت ہوگئی۔

انہوں نے بتایا کہ قتل کے بعد بدمعاش فرار ہوگئے۔ انہوں نے بتایا کہ متوفی کے کنبہ پر گاؤں کے پردھان کے قتل کا معاملہ چل رہا ہے اور اس کے والد جیل میں ہیں۔ بادی النظر میں قتل کی وجہ رنجش لگتی ہے۔ پولیس قاتلوں کو تلاش کررہی ہے۔