میٹنگ میں تحصیل کمیٹی کی توسیع اور سلمانی سماج میں تعلیم کی حالت پر غور کرتے ہوئے آنے والی نسلوں کو تعلیم یافتہ کرنے پر زور دیا گیا۔
میٹنگ میں کثیر تعداد میں سلمانی سماج کے لوگوں نے شرکت کی۔
فطح پور کے رسول پناہ واقع جنرل سیکرٹری محمد عالم سلمانی کی رہائیش گاہ پر ہوئی اس میٹنگ کی صدارت ضلع صدر محمد زبیر سلمانی نے کی۔
اس موقع پر میٹنگ سے خطاب کرتے ہوئے ضلع صدر محمد زبیر سلمانی نے اپنے سماج کی تعلیمی صورتحال پر تشویش کا اظہار کیا۔ انہوں نے کہا کہ آج بھی دیہی علاقوں میں ان کے سماج کے افراد زیادہ تعلیم یافتہ نہیں ہیں اور اپنے بچوں کو تعلیم نہیں دے رہے ہیں۔
یہ بھی پڑھیں: جونپور: شرقی بادشاہ کی قبر سنگ مرمر میں تبدیل
انہوں نے کہا کہ تعلیم کی کمی کی وجہ سے ان کے سماج کے لوگ آج بھی پچھڑے ہیں جس کی وجہ سے وہ سرکاری اسکیمز کا فائیدہ نہیں اٹھا پا رہے ہیں، اور پریشان رہتے ہیں۔ انہوں نے سماج سے آدھی روٹی کھا کر بھی اپنے بچوں کو تعلیم سے آراستہ کرنے کی اپیل کی ہے۔