لوک تنتر بچاؤ مورچہ نے مطالبہ کیا کہ ملک بھر کے اراکین اسمبلی اور اراکین پارلیمان کی تنخواہ اور پینشن ختم کی جائے۔ ان کی تنخواہ اور پینشن ملک پر مالی بوجھ ہے، لہذا اسے بند کیا جانا چاہیے۔ لوک تنتر بچاؤ مورچہ کی جانب سے کہا گیا کہ ملک کا روپیہ دن پر دن گرتا جا رہا ہے، اس معاملے پر پارلیمنٹ میں بحث ہونی چاہیے، اس پر سیاست نہ کی جائے۔
لوک تنتر بچاؤ مورچہ کے قومی سیکرٹری اونکار سنگھ نے صحافیوں سے بات چیت کرتے ہوئے کہا کہ ملک کے ایم ایل اے اور ایم پی تنخواہ اور پینشن لے کر ملک پر اربوں روپے کا مالی بوجھ ڈال رہے ہیں۔ وزیر اعظم نریندر مودی حکومت کی غلطی کی پالیسی کی وجہ سے بھارتی روپے کی قیمت لگاتار گر رہی ہے۔ مرکزی حکومت ملک کی وراثت کو فروخت کر رہی ہے اور ملک بھر میں تعلیم یافتہ نوجوان بے روزگار گھوم رہے ہیں۔ یہ حکومت نوجوانوں کو روزگار دینے میں ناکام ثابت ہوئی ہے۔
یہ بھی پڑھیں:لوک تنتر بچاؤ مورچہ تنظیم کا احتجاج
