ریاست اترپردیش کے ضلع مرادآباد میں ٹی ای ٹی سنگھرش مورچا نے ضلع مجسٹریٹ راکیش کمار سنگھ کے ذریعہ وزیر اعلی یوگی آدتیہ ناتھ کے نام ایک میمورنڈم دے کر سبھی بی ایڈ سنہ 2011 میں پاس امیدواروں کو پانچ برس کانٹریکٹ پر رکھے جانے کی مخالفت کی ہے۔
صوبائی حکومت پانچ برس کانٹریکٹ پر نوکری دیے جانے کی بات کر رہی ہے۔ اس سے سرکاری نوکری کی تیاری کر رہے بے روزگار اور اسکول، کالجوں میں ڈگری حاصل کر رہے طلبا اور طالبات کا حوصلہ توڑنا ہے۔ لہذا ایسے قانون کو حکومت کو نافذ نہیں کرنا چاہئیے۔
ٹی ای ٹی سنگھرش مورچا ضلع مرادآباد کے صدر سی پی سینی نے کہا کہ ریاستی حکومت اپنے فیصلے کو واپس لے اور نوجوانوں کی زندگیوں سے کھیلنا بند کرے۔
