بھارتیہ جنتا پارٹی (بی جے پی) کی رکن پارلیمان ریتا بہوگنا جوشی کووڈ 19 کی زد میں آگئی ہیں۔
باوثوق ذرائع نے بتایا کہ کورونا کی معمولی علامات ظاہر ہونے پر انہوں نے اپنا کووڈ ٹیسٹ کرایا تھا جس کی رپورٹ میں ان کے اندر کورونا کی تصدیق ہوئی ہے۔ محترمہ جوشی کو جمعرات کو لکھنؤ کے پی جی آئی میں داخل کرایا گیا ہے۔
سوشل میڈیا پر توقع سے کم مستعد رہنے کے باوجود یوگی حکومت کی سابق کابینی وزیر محترمہ جوشی اپنے ٹویٹر اکاؤنٹ کے ذریعہ لوگوں کو کورونا سے بچاؤ کے لئے آگاہ کرتی رہی ہیں۔
قابل ذکر ہے کہ ان لاک نظام نافذ ہونے کے بعد اترپردیش میں کووڈ 19 کا اثر تیزی سے بڑھا ہے اور یوگی حکومت کے 13وزراء کورونا کی زد میں آچکے ہیں۔