سپریم کورٹ کے اسی فیصلے کے تناظر میں اترپردیش کے دارالحکومت لکھنؤ میں ممتاز دانشگاہ ندوۃ العلماء میں بابری مسجد ایکشن کمیٹی کی میٹنگ ہو رہی ہے۔
بابری مسجد ایکشن کمیٹی کی میٹنگ میں مسلم پرسنل لا بورڈ کے جنرل سکریٹری مولانا محمد ولی رحمانی، مولاںا خالد رشید فرنگی محلی، اقبال انصاری، حاجی محبوب، ایڈوکیٹ ظفریاب جیلانی سمیت دیگر اراکین حصہ لے رہے ہیں۔
خیال رہے کہ سپریم کورٹ نے بابری مسجد تنازع کو لے کر فریقین کو آٹھ ہفتے کی مہلت دی اور کہا کہ آپ بند کمرے میں بات چیت کے ذریعے اس مسئلے کو حل کر لیں تاکہ ملک میں امن و امان قائم رہے۔
اس میٹنگ میں یہ طے ہوگا کہ مسلم پرسنل لا بورڈ دوسرے فریق کے ساتھ بات چیت کا آغآز کیسے کریں گے نیز اس کے لیے اسی میٹنگ میں لائحہ عمل بھی ترتیب دیا جائے گا۔ سپریم کورٹ کے احکامات پر مسلم فریق نے نہ صرف عمل آوری شروع کردی ہے بلکہ عدالت عظمی میں بھی ثالث کے تعلق سے مثبت اشارہ دیا تھا۔
