مستقبل میں میرٹھ کھلاڑیوں کو تراشنے کا بڑا مرکز ثابت ہوگا: انوراگ ٹھاکر

ٹوکیو پیرا اولمپک میں میڈل حاصل کرنے والے بھارتی کھلاڑیوں کے اعزازی تقریب میں میرٹھ پہنچے مرکزی کھیل وزیر انوراگ ٹھاکر نے میڈیا سے بات کرتے ہوئے کہا کہ جس طرح سے میرٹھ کے کھلاڑیوں نے اولمپک گیمز میں مظاہرہ کیا، اس کو دیکھتے ہوئے کہا جا سکتا ہے کہ مستقبل میں میرٹھ کھلاڑیوں کو تراشنے کا بڑا مرکز ثابت ہوگا۔

یوپی کے وزیراعلیٰ یوگی ادتیہ ناتھ کی آمد سے قبل میرٹھ پہنچے مرکزی کھیل وزیر انوراگ ٹھاکر نے کہا کہ ٹوکیو پیرااولمپک کھیلوں میں ہندوستانی کھلاڑیوں میں خاص کر میرٹھ کے کھلاڑیوں نے بہترین کارکردگی کا مظاہرہ کیا ہے، وہ قابل ستائش ہے۔

مرکزی کھیل وزیر نے امید ظاہر کی ہے کہ آنے والے وقت میں میرٹھ جس طرح سے کھیلوں کے سامان کے لیے پہچانا جاتا ہے اسی طرح یہ کھلاڑیوں کی درس گاہ بن کر ان کو تراشنے کا مرکز بنے گا۔

ساتھ ہی مہنگائی اور جناح کے سوال پر انہوں نے طنز کرتے ہوئے کہا کہ جیسے ہی الیکشن کا وقت آتا ہے تو اپنی پہچان کھو چکی سیاسی جماعتوں کو اس طرح کے مدے یاد آنے لگتے ہیں اور وہ سماج میں ٹکراؤ پیدا کرنے کی کوشش کرتے ہیں۔