سوشل ڈسٹنسنگ اور صاف صفائی كو دھیان میں رکھتے ہوئے اب اترپردیش کے شہر میرٹھ میں بھی سوسائٹی میں رہنے والے لوگ عید الاضحی کو مد نظر رکھتے ہئے ہوئے اس کی تیاری میں لگ گئے ہیں اور کالونی میں رہ رہے لوگوں سے عیدالاضحی کے موقع پر احتیاط برتنے کی اپیل بھی کر رہے ہیں ۔
بھارت ایک مشترکہ تہذیب وتمدن رکھنے والا ملک ہے اور اس ملک میں سبھی مذاہب کے لوگ اپنے اپنے تہوار بخوشی مل جل کر مناتے ہیں لیکن ملک میں اس بار كورونا وائرس کے انفیکشن کے خطرے كو ديكهتے ہوئے حکومت نے جو احکامت جاری کیے ہیں انہی احکامات كو ذہن میں رکھتے ہوئے میرٹھ میں بھی کالونی میں رہ رہے لوگ اپنی کالونی اور خاص کر مسلم علاقوں میں رہنے والے لوگوں سے عید الاضحی کے موقع پر ہونے والی قربانی كو ليكر صاف صفائی کا خاص خیال رکھنے کی اپیل بھی کر رہے ہیں۔
ملک میں كورونا وبا کے چلتے سماجی سر گرمیوں میں پابندی عائد ہونے سے تہواروں پر بھی اس کا اثر پڑنا لازمی ہے ایسے حالات میں کسی بھی مذہب کے تہوار پر ہونے والی تقریبات بھی ضرور متاثر ہو رہی ہے ۔ضرورت ہے كورونا جیسی بیماری کا ہمارے ملک سے جلد خاتمہ ہو تاکہ تہواروں پر ہونے والی تقریبات سبھی لوگ مل جل کر منا سكيں۔