میرٹھ میں سیفی برادری کی جانب جلسہ منعقد کیا گیا جس میں جہیز کو ختم کرنے کے لیے مختلف تجاویز پیش کی گئی۔
ریاست اتر پردیش کے ضلع میرٹھ میں سیفی سماج سنگھرش سمیتی کی جانب سے اجلاس منعقد کیا گیا جس میں تنظیم کی جانب سے سیفی سماج کے علاوہ دیگر دانشور شخصیات اور علماء اکرام نے شرکت کی۔
اس اجلاس میں مسلم سماج میں رائج برائیوں کو ختم کرنے کے لیے کی جانے والی کوششوں پر تبادلہ خیال کیا گیا ساتھ ہی اسمبلی انتخابات 2022 میں اپنی برادری کی نمائندگی سے متعلق بھی بات کی گئی۔
میرٹھ میں جس طرح سے سماجی برائیوں کے خاتمے کے لیے بیداری مہم چلائی جا رہی ہے اس کو دیکھ کر کہا جا سکتا ہے کہ اگر اسی طرح سبھی سماج کی جانب سے پہل کی جائے تو یقینی طور پر ہم اپنے سماج اور ملک سے جہیز کی لعنت کو ختم کر سکتے ہیں۔
