محمود پراچہ کے خلاف پولیس کارروائی سے وکلا برادری میں ناراضگی

دہلی فرقہ وارانہ فسادات معاملے میں کیس کی پیروی کر رہے سپریم کورٹ کے سینئر وکیل محمود پراچہ کے دفتر اور گھر پر دہلی پولیس کی اسپیشل سیل کی چھاپے مارنے کی کارروائی سے وکیلوں میں ناراضگی ہے۔ میرٹھ میں آج انڈین لائرز یونین کے ذمہ داران پولیس کی کارروائی پر اعتراض جتاتے ہوئے جیف جسٹس آف انڈیا سے وکلاء کی حفاظت کے قانون بنانے کی بات کہی۔

دہلی فسادات معاملے میں کیس کی پیروی کر رہے محمود پراچہ کے دفتر اور گھر پر پولیس کارروائی سے میرٹھ کے وکلاء میں بھی ناراضگی دیکھی جا رہی ہے۔

دہلی پولیس کی اسپیشل سیل کی اس کارروائی میں پولیس کے رویہ اور چھاپے مارنے کے طریقے پر سوال اٹھاتے ہوئے آج میرٹھ میں آل انڈیا لائرز یونین نے صدر جمہوریہ اور چیف جسٹس آف انڈیا کے نام میمورنڈم پیش کرتے ہوئے اپنا احتجاج درج کرایا اور وکیلوں کی حفاظت کے لیے پروٹیکشن ایکٹ بنائے جانے کا مطالبہ کیا۔

میمورنڈم

دہلی فرقہ وارانہ فسادات معاملے میں قانونی پیروی کو لیکر نشانہ بنائے جانے سے ناراض وکلاء کی جماعت اب وکیلوں کی حفاظت کو لیکر قانون بنانے کی بات کر جہاں وکلاء کی حمایت کر رہی ہے وہیں دوسری جانب پولیس کی اس کارروائی کو لیکر ناراض بھی دیکھائی دے رہی ہے۔ ضرورت ہے حکومت کو اس طرح کی کارروائی سے بچنے کی تاکہ جس سے حکومت اور پولیس کی فضیحت ہونے سے بچا جا سکے۔