میرٹھ: کورونا کی ممکنہ تیسری لہرسے نمٹنے کے لئے محکمہ صحت پر عزم

عالمی وبا کورونا وائرس کے دوران میرٹھ میں صورتحال ابتر تھی۔ کئی افراد اس وبا کے دور میں جاں بحق ہوئے۔ تاہم کوورنا وائرس کے تیسری لہر کے آمد کے امکان کے پیش نظر میرٹھ انتظامیہ اور محکمہ صحت مستعد ہے۔

کورونا کی دوسری لہر کے تلخ تجربات اور انسانی جانوں کے نقصانات کے بعد اب تیسری آمد کے امکان کے مدنظر ضلع انتظامیہ متحرک ہے۔ ضلع انتظامیہ کے ساتھ ساتھ محکمہ صحت کی جانب سے اقدام اٹھا ئے جارہے ہیں۔

عالمی وبا کوورنا وائرس کے تیسری لہر کے آمد کے پیش نظر میرٹھ کے تمام میڈیکل کالجز کا عملہ اور ڈاکٹرز طبی ساز وسامان اور تمام طرح کے اکومینٹ کو جمع کر نے میں مصروف ہیں۔

کورونا کی دوسری لہر کے بعد اب ماہرین کی جانب سے تیسری لہر کا خدشہ ظاہر کیاجارہاہے ۔

ممکنہ خطرات سے نمٹنے کے لئے میرٹھ میں محکمہ صحت کی جانب سےآکسیجن پلانٹ کے علاوہ وینٹیلیٹر کے تعداد میں خاطر خواہ اضافہ کیا جارہا ہے ۔تاکہ تیسری لہر کا مقابلہ کیا جا سکے۔

ماہرین کے مطابق تیسری لہر سے بچوں کو نقصان پہنچ سکتا ہے۔ ایسے میں میرٹھ کے میڈیکل کالجز اور دیگر اسپتالوں میں میں بھی پیڈیٹرک وارڈ تیار کرائے جا رہے ہیں ساتھ ہی آکسیجن پلانٹ لگا کر اس کی کمی کو بھی پورا کرنے کی کوشش کی جا رہی ہے۔