میرٹھ: حکومت کی ہدایات کے ساتھ چہلم منایا جائے گا

میرٹھ میں چہلم کی تیاریوں کو لیکر میرٹھ کے منصبیہ عربی کالج میں آج ایک اہم میٹنگ منعقد کی گئی۔ جس میں حکومت کی گائیڈ لائن پر عمل کرنے کے ساتھ جلوس نہ نکالنے کے فیصلے کے علاوہ مجلس میں بھی 100 افراد سے زیادہ لوگوں کو جمع نہ کرنے کا فیصلہ لیا گیا۔

ریاست اتر پردیش کے ضلع میرٹھ میں ہر سال چہلم کے موقع پر جلوس اور مجالس کا اہتمام بڑے پیمانے پر کیا جاتا رہا ہے۔

اس سال کورونا انفیکشن کے چلتے جلوس اور مجالس کا اہتمام اس طرح تو نہیں کیا جا سکتا لیکن حکومت کی جانب سے ہدایات پر عمل کرتے ہوئے مخصوص لوگوں کے درمیان ہی مجلس منعقد کی جائےگی۔ جس میں حکومت کی گائیڈ لائن کا بھی پورا خیال رکھا جائے گا۔

میرٹھ: حکومت کی ہدایات کے ساتھ چہلم منایا جائے گا

حالانکہ منصبیہ کمیٹی کے ذمہ داران کا یہ بھی کہنا ہے کہ منصبیہ میں ہر سال مجالس کا اہتمام کیا جاتا رہا ہے۔ لیکن جس طرح سے شہر میں کورونا انفیکشن سے متاثرین کی تعداد میں اضافہ ہو رہا ہے اس کو دیکھتے ہوئے حکومت اور محکمہ صحت کی جانب سے جاری ہدایات پر عمل کرنا بھی ضروری ہے۔