میرٹھ میں آج راشٹریہ لوک دل کی جانب صوبائی سطح پر یوگی سرکار کی ناکامیوں اور بڑھتی ہوئی مہنگائی کے خلاف احتجاجی مظاہرہ کیاگیا۔جس میں ضلع کے تمام پارٹی کارکنان نے شرکت کرکے یوپی کی حکومت کی تانا شاہی کے خلاف ایک میمورنڈم میرٹھ ڈی ایم کے ذریعے صدر جمہوریہ کے نام پیش کیا گیا ۔
میرٹھ۔ میں مہنگائی کے خلاف صدر جمہوریہ کے نام میمورنڈم پیش کیا گیا
تیل کی قیمتوں میں ہو رہے غیرمعمولی اضافے اور صوبے میں نظم ونسق کے بگڑتے حالات سے ناراض آج راشٹریہ لوک دل کے سینکڑوں کارکنان نے یوگی حکومت کے خلاف زبردست احتجاجی مظاہرہ کیا ۔
اس موقع پر پارٹی لیڈران کا کہنا تھا کہ صوبے میں جس طرح سے کرائم کا گراف بڑھ رہا ہے اور پنچایت انتخابات میں یوگی سرکار کی تاناشاہی دیکھنے کو ملی اس کو دیکھتے ہوئے یہی کہا جا سکتا ہے کہ صوبے میں یوگی سرکار پوری طرح سے ناکام ہو چکی ہے۔