ریاست اترپردیش کے شہر میرٹھ میں عمر قید کا سزا یافتہ اور ڈھائی لاکھ کا انعامی بدمعاش بدن سنگھ بددو کی راہ فرار کے چلتے اس کے مکان کی قرقی اور اس کی کوٹھی کو گرائے جانے کے بعد اب اس کی تقریباً 125 کروڑ کی جائداد پر قبضہ کر کے پولیس نے بدن سنگھ بددو کے خلاف بڑی کارروائی کو انجام دیا ہے۔
اترپردیش میں شاطر بدمعاشوں کے لئے یوگی حکومت ہر طرح سے کمر بستہ ہے۔ بدمعاشوں کے خلاف سلسلے وار کارروائی کرتے ہوئے میرٹھ میں انعامی بدمعاش بدن سنگھ بددو کی عالی شان کوٹھی کو زمیندوز کرنے کے بعد اب ضلع انتظامیہ بدن سنگھ بدو کی قریب 125 کروڑ روپے کی ملکیت پر قبضہ کر اس کی جائداد پر اپنا بورڈ بھی چسپاں کر دیا تاکہ بدن سنگھ کو جلد گرفتار کیا جا سکے۔
آج پولیس نے بدن سنگھ کو کروڑوں کی جائداد سے برطرف کر کے اس کے مالکانہ حق سے بھی باہر کردیا گیا۔ پولیس کی اس کارروائی سے انعامی بدمعاش پر شکنجہ کسنے کی کوشش جاری ہے۔ تاکہ بدن سنگھ بددو کو گرفتار کر اس کو سلاخوں کے پیچھے پہنچایا جا سکے۔