وارانسی: جانچ کے لیے 16 افراد کے نمونے لیے گئے

ریاست اتر پردیش کے ضلع وارانسی کے چیت گنج علاقے کے پیترکنڈا میں میڈیکل ٹیم کے ذریعہ 16 افراد کے نمونے لیے گئے۔

وارانسی کے ضلع مجسٹریٹ کوشل راج شرما کی ہدایات پر چیف میڈیکل آفیسر ڈاکٹر وی بی سنگھ نے پیترکنڈا اور نکی گھاٹ کے کورونا مثبت مریضوں سے ملاقات کی اور وہاں جاری طبی آپریشنز کا جائزہ لیا۔

اس موقع پر ڈاکٹر جیسوارہ، ڈاکٹر سومیا نیول، ڈاکٹر سورہب کی میڈیکل ٹیم موجود تھی۔ آج پیترکنڈا میں 16 افراد کا میڈیکل ٹیم نے جانچ کے لیے نمونہ لیا ہے۔ ایک دن پہلے نکی گھاٹ میں 14 افراد کا میڈیکل ٹیم نے جانچ کے لیے نمونہ لیا تھا۔

بنارس کے دیگر ہاٹ اسپاٹ علاقوں میں کورونا وائرس کی تصدیق کے لیے نمونے لیے جارہے ہیں۔ جن افراد کا کورونا وائرس کی مثبت رپورٹ آئی ہے ان کے علاوہ ان کے رابطے میں آنے والے افراد کی نشاندہی کی جارہی ہے اور پورے علاقے کی صفائی ستھرائی کا عمل جاری ہے۔

ضلع مجسٹریٹ نے بتایا کہ 'جن علاقوں میں کورونا کے مثبت مریض پائے گئے ہیں ان علاقوں میں کورونا جانچ کے لیے ڈاکٹروں کی خصوصی ٹیم تشکیل دی گئی ہے۔