عرفان خان کو مایاوتی کا خراج تحسین

بہوجن سماج پارٹی کی صدر مایاوتی نے بالی ووڈ کے مشہور اداکار عرفان خان کو ایک سدابہار اداکار قرار دیتے ہوئے کہا ہے کہ انہوں نے ہر طبقے پر انمٹ نقوش چھوڑے ہیں۔

مایاوتی نے عرفان خان کے انتقال پر دکھ ظاہر کرتے ہوئے آج ایک ٹویٹ میں کہا کہ ' بالی ووڈ کے ساتھ ہالی ووڈ میں بھی اپنی چھاپ چھوڑنے والے سدابہار اداکار عرفان خان کے انتقال کی خبر بے حد دکھ بھری ہے۔'

انہوں نے کہا کہ' اپنی اداکاری سے ہر طبقے کے شائقین کو متاثر کرنے والے عرفان کے خاندان اور ملک و دنیا میں ان کے مداحوں کو قدرت اس دکھ کو برداشت کرنے کی طاقت دے۔'

عرفان خان کا آج ممبئی میں انتقال ہوگیا۔وہ لمبے وقت سے کینسر میں مبتلا تھے۔