یوگی حکومت پر مایاوتی کی سخت نکتہ چینی

ریاست اترپردیش کے ضلع لکھیم پور کھیری میں نابالغ کے ساتھ پہلے جنسی زیادتی کی گئی پھر اس کا قتل کر دیا گیا۔

اس واقعہ پربی ایس پی سپریمو مایاوتی نے یوگی حکومت کو سخت تنقید کا نشانہ بنایا ہے۔

ان کا کہنا ہے کہ ریاست میں خواتین پر مسلسل ظلم ہو رہا ہے۔

مایاوتی نے لکھیم پور کھیری ضلع میں ایک دلت نوعمر لڑکی کے ساتھ مبینہ زیادتی کے بعد قتل کے کیس میں یوگی حکومت کو تنقید کا نشانہ بنایا ہے۔

مایاوتی نے ٹویٹ کیا کہ ریاست میں دلتوں اور خواتین پر مسلسل حملے ہورہے ہیں ، ان کے قتل ہو رہے ہیں۔ ایسی صورتحال میں ایس پی اور بی جے پی میں کیا فرق ہے؟

ضلع لکھیم پور کھیری میں جمعہ کو دیر شب ایک بےگناہ کے قتل کا معاملہ سامنے آیا۔

ملزم نے معصوم بچی کو قتل کرکے اس کی لاش کو گنے کے کھیت کے پاس پھینک دیا۔

پولیس نے اس معاملے میں نامزد دو ملزمان کو گرفتار کرلیا ہے۔

مایاوتی نے اس واقعے کو شرمناک قرار دیا ہے۔

مایاوتی نے کہا کہ ایس پی اور موجودہ بی جے پی حکومت میں کوئی فرق نہیں ہے۔