Maulana Kalbe Jawad Naqvi لکھنو کے امام آصفی امام باڑہ میں شیعہ مہا سمیلن کی تیاریاں

معروف عالم دین مولانا کلب جواد نقوی نے کہا کہ لکھنؤ کے اصفی امام باڑے میں شیعوں کے بنیادی مسائل کے حوالے سے ایک عظیم الشان اجتماع کا انعقاد کیا جائے گا جس میں ملک کے مختلف علاقوں سے علماء خطباء و اعظین مرثیہ خواں اور تنظیموں کے ذمہ دار شرکت فرمائیں گے۔

لکھنو:اترپردیش کے دارالحکومت لکھنو میں شیعہ مسلک کی جانب سے مہا سمیلن کا انعقاد کیا جائے گا۔اس کی تیاریاں زور شور سے جاری ہے۔ملک کی مختلف ریاستوں سے شیعہ عالم دین کی شرکت متوقع ہے۔ معروف عالم دین مولانا کلب جواد نقوی نے کہا کہ ملک بھر کے شیعہ مسلک سے تعلق رکھنے والے لوگوں سے گزارش ہے کہ 12 مارچ کو ہونے والے سمیلن میں زیادہ سے زیادہ تعداد میں شرکت کریں۔ انہوں نے کہا کہ ملک میں شیعہ بربرداری کی تعداد کم ہے اور یہی وجہ ہے کہ ان کے حقوق کی پامالی ہو رہی ہے۔ لہذا میری گزارش ہے کہ جتنے زیادہ تعداد میں لوگ شامل ہوں گے، اس قدر مثبت نتائج ہوں گے کیوں کہ ووٹوں کی قدر تعداد سے ہی ہوتی ہے۔

انہوں نے کہا کہ سمیلن میں لوگوں کی غیرمعمولی بھیڑ کی وجہ سے یہ بات بھی باور کرانے میں آسانی ہوگی کہ ہمیں نظرانداز نہیں کیا جا سکتا ہے۔ ان کا کہنا ہے کہ لہذا اگر وہ ہمارے مسائل کو حل نہیں کریں گے تو سیاسی طور پر بھی ہم بیدار ہوں گے۔ اصفی امام باڑہ ابھی تک عوام سے بھرا نہیں ہے لیکن امید ہے کہ سمیلن سے قبل میں بھر جانے کی امید ہے۔

واضح رہے کہ پانچ مارچ کو مولانا یعسوب عباس نے عظیم الشان اجتماع کا اہتمام کیا گیا تھا۔ اس کا عنوان تھا جنت البقیع کے انہدام کے سو برس مکمل ہونے پر سعودی حکومت کے خلاف صرف پر امن طریقے سے احتجاج کرنا اور جنت البقیع کی تعمیر نو کا مطالبہ تھا۔ اس اجتماع میں مولانا کلب جواد شامل نہیں ہوئے تھے۔ فکری اختلاف کی بنیاد پر مولانا کلب جواد نے بھی عظیم الشان اجتماع کا اعلان کیا ہے لیکن ماہرین کا ماننا ہے کہ ان اجتماعات کے مثبت نتائج سامنے آئیں گے۔