مئو: عوام کا مجاہدین آزادی کو خراج تحسین

74 ویں یومِ آزادی کے موقع پر مئو میں مجاہدین آزادی اور سرحد پر ہلاک ہونے والے جوانوں کو خراج تحسین پیش کیا گیا۔

اترپردیش کے ضلع مئو میں 15 اگست کی دیر شام منعقد پروگرام کی ابتداء میں مہاتما گاندھی کے مجسمے پر شہر کے معزز افراد یکجا ہوئے اور شہیدوں کی یاد میں کینڈل جلا کر حاضرین نے اپنی عقیدت کا اظہار کیا۔

مئو کے مجھوارا تراہے پر منعقد تقریب میں مہاتما گاندھی کی قربانیوں کو یاد کیا گیا۔ اس موقع پر ہندو اور مسلم دونوں مذاہب کے ماننے والوں نے شرکت کی۔ ساتھ ہی موجود افراد نے عوام سے قومی یکجہتی کی اپیل کی۔

پروگرام کے دوران حب الوطنی پر مبنی نعرے بلند کر نئی نسل کو ملک و قوم کے تئیں محبت و ملت کا پیغام دیا۔