مئو: محرم الحرام کے پیش نظر کوتوالی میں میٹنگ

ریاست اتر پردیش کے ضلع مئو کی گھوسی کوتوالی میں ماہ الحرام محرم کے پیش نظر پولیس اور تعزیہ کمیٹی کے درمیان میٹنگ کا انعقاد کیا گیا۔

ماہ محرم کے پیش نظر منعقد اس میٹنگ میں محرم کی دسویں تاریخ کو برآمد ہونے والے تعزیہ جلوس کے سلسلے میں تبادلہ خیال کیا گیا۔

اس کے علاوہ اس میٹنگ کے دوران کووڈ 19 کی گائیڈ لائن کے مطابق تعزیہ داری کا اہتمام کرنے پر توجہ مرکوز کی گئی جس کے بعد پولس اور تعزیہ کمیٹی کے ذمہ دار مشترکہ طور پر اس پر عمل درآمد کرانے پر متفق رہے۔

امن کمیٹی کے ساتھ میٹنگ کے دوران پولس افسران نے تعزیہ کے سلسلے میں حکومت کے ذریعہ جاری احکامات سے حاضرین کو باور کرایا۔

اس میٹنگ میں شہر کے اقلیتی طبقہ کے معزز افراد کے علاوہ سیاسی جماعتوں کے ذمہ داروں نے بھی شرکت کی۔