مئو: دیہی اسکول میں تین روزہ ورکشاپ کا انعقاد

مرکزی حکومت دیہی علاقوں کے تعلیمی اداروں کو خاص پروگرام سے منسلک کر رہی ہے۔ محکمہ سائنس اور ٹیکنالوجی نے اس مقصد کے لئے پروگرام مرتب کیا ہے۔

مرکز نے دیہی علاقوں میں تعلیم حاصل کررہے طلبا و طالبات کے لئے خاص پروگرام شروع کیا ہے۔ حکومت کی کوشش ہے کہ دیہی علاقوں میں تعلیم حاصل کررہے بچے تکنیکی اعتبار سے شہری بچوں سے کم تر نہ رہیں۔

مرکزی وزارت برائے سائنس و ٹیکنالوجی کو اس مہم کی کمان سونپی گئی ہے۔ مئو ضلع کے دیہی علاقوں کے اسکولوں میں ورکشاپ منعقد کی جارہی ہے۔ یہاں بچے سائنسی ترقی کی جانکاری حاصل کر رہے ہیں۔

اس پروگرام میں حصہ لینے والی طالبات کے لئے یہ کچھ نیا سیکھنے کا موقع ہے۔

اسکول کے منتظمین کے مطابق اس کوشش سے دیہی علاقوں میں قائم تعلیمی اداروں کی اہمیت میں اضافہ ہوگا۔ اس پیش رفت سے بہترین صلاحیت والے طلبا و طالبات کی جماعت ملک وقوم کی خدمت کرے گی، ایسی امید کی جا رہی ہے۔ تین روزہ ورکشاپ میں کثیر تعداد میں طلبا و طالبات نے حصہ لیا۔