مئو: آشا ورکرس کو اہم ذمہ داری

کورونا وائرس کی روک تھام کے لیے لاک ڈاؤن کے اعلان کے بعد ان آشا ورکرس کو گھر گھر جا کر بیرون ممالک اور بیرون ریاست سے آنے والے افراد کی معلومات اکٹھا کرنے کا کام سونپا گیا ہے۔

ریاست اتر پردیش کے شہر مئو میں آشا ورکرس مقامی باشندوں کے دروازے پر دستک دے کر اپنے کام کو سنجیدگی سے انجام دے رہی ہیں تا کہ یہ جان لیوا بیماری پھیل نا سکے۔

یہ آشا ورکرس نہ صرف بیرون شہر سے آنے والے افراد کو دھونڈ رہی ہیں بلکہ کورونا وائرس کے بارے میں معلومات اور احتیاطی تدابیر سے بھی روشناس کرا رہے ہیں، حالانکہ اس ذمہ داری کے دوران انہیں مخالف حالات کا بھی سامنا کرنا پڑ رہا ہے۔

آشا ورکرس کے مطابق کسی گھر میں بیرون ممالک، ریاست اور بیرون شہر سے آنے والے افراد کے بارے میں پوچھ تاچھ کے دوران کچھ لوگ دھمکیاں بھی دیتے ہیں۔

اس کے علاوہ آشا ورکرس کے گھر والے بھی کافی محتاط ہیں۔

ارملا دیوی نامی آشا ورکر کے بیٹے ابھئے یادو کا کہنا ہے کہ 'جب بھی ان کی والدہ گھر آتی ہیں سب سے پہلے ہم انہیں سنیٹائیز کرتے ہیں اس کے بعد گھر میں داخلہ کراتے ہیں۔