مئو: تہواروں کے پیش نظر انتظامیہ کی گائیڈ لائنز جاری

ریاست اترپردئش کے ضلع مئو میں ہولی اور شب برات کے دوران امن و امان قائم رکھنے کے لیے کے لیے انتظامیہ نے گائیڈ لائنز جاری کی ہے۔

مئو ضلع میں ہولی اور شب برات کے موقع پر کسی بھی طرح کی بدنظمی کے خلاف انتظامیہ کمر بستہ ہے اور اس سلسلے میں پولس ریکارڈ میں مشتبہ افراد پر نظر رکھی جا رہی ہے تاکہ کسی بھی طرح امن و امان خراب نہ ہو۔

پولیس کی جانب سے جاری کردہ گائید لائنز کے بعد دیہی علاقوں میں پولس گشت میں اضافہ کرنے کی بھی ہدایات جاری کی گئی ہے۔

افسران کے مطابق پورے ضلع میں امن و امان برقرار رکھنے کے لیے انتظامیہ امن کمیٹی کی میٹنگ لے رہا ہے۔ میٹنگ میں متعلقہ علاقوں میں رہائش پذیر تمام مذاہب کے معزز افراد کو مدعو کیا جا رہا ہے۔

افسران نے عوام سے اپیل کی ہے کہ وہ پُرامن طریقے سے اپنے تہوار اور مذہبی رسومات ادا کریں۔